20 қараша - Дүниежүзілік балалар күні.

Жыл сайын 20 қарашада бүкіл әлемдік қоғамдастық Дүниежүзілік балалар күнін атап өтеді. Тәуелсіздік жылдарында Қазақстанда 15 халықаралық құжат ратификацияланды және олардың алғашқысы Бала құқықтары туралы Конвенция болды, деп хабарлайды <url>. Otyrar.KZ.
Елімізде 18 жасқа дейінгі 6 млн 330 мың бала бар.

Қазақстанда балалар мен жасөспірімдердің құқықтары мен кепілдіктерін реттейтін 45-тен астам нормативтік құқықтық актілер қабылданды.

Қазақстан Республикасының Конституциясы (27-бап) неке мен отбасы, ана, әке және бала мемлекеттің қорғауында болады деп жариялайды.

"Қазақстан Республикасындағы Баланың құқықтары туралы" заң тегіне, нәсіліне және ұлтына, әлеуметтік және мүліктік жағдайына, жынысына, тіліне, біліміне, дінге көзқарасына, тұрғылықты жеріне, денсаулық жағдайына және балаға және оның ата-анасына немесе басқа да заңды өкілдеріне қатысты өзге де мән-жайларға қарамастан, барлық балалардың тең құқықтары бар деп жариялайды.